N 3661-Ա որոշման գործողությունը կասեցնելու մասին

Ղեկավարվելով <<Իրավական ակտերի մասին>> Հայաստանի Հանրապետության օրենքի 76-րդ հոդվածով և նպատակ ունենալով ապահովելու Երևան քաղաքի ավտոբուսային (միկրոավտոբուսային) կանոնավոր ուղևորափոխադրումների վարձը վերանայելու մասին հանրային  քննարկումների իրականացումը.

    1. Կասեցնել՝ Երևանի քաղաքապետի 2013 թվականի հուլիսի 19-ի <<Երևան քաղաքի ներքաղաքային երթուղիները սպասարկող կազմակերպությունների կողմից իրականացվող ավտոբուսային (միկրոավտոբուսային) կանոնավոր ուղևորափոխադրումների վարձը վերանայելու մասին>> N3661-Ա որոշման    գործողությունը:
2. Երևանի քաղաքապետի խորհրդական Ա. Գևորգյանին՝ կազմակերպել հանրային քննարկումների իրականացումը, ներգրավվելով Երևան քաղաքի ներքաղաքային ավտոբուսային կանոնավոր փոխադրումների մրցույթների կազմակերպման և անցկացման մրցութային հանձնաժողովի անդամներին, տրանսպորտային ոլորտի մասնագետներին, շահագրգիռ կազմակերպությունների ներկայացուցիչներին և այլ  անձանց   և դրանց արդյունքներով ներկայացնել համապատասխան եզրակացություն:
    3. Երևանի քաղաքապետի 2013 թվականի հուլիսի 19-ի <<Երևան քաղաքի ներքաղաքային երթուղիները սպասարկող կազմակերպությունների կողմից իրականացվող ավտոբուսային (միկրոավտոբուսային) կանոնավոր ուղևորափոխա-դրումների վարձը վերանայելու մասին>> N3661-Ա որոշման   գործողությունը կասեցնել մինչև դրա մեջ սույն որոշման 4-րդ կետի 2-րդ ենթակետին համապատասխան,  օրենքով սահմանված կարգով փոփոխություն(ներ) կատարելը:
4. Սահմանել, որ.
1) սույն որոշման ուժի մեջ մտնելու պահից   Երևան քաղաքի ներքաղաքային երթուղիները սպասարկող կազմակերպությունների կողմից ավտոբուսային (միկրոավտոբուսային) կանոնավոր ուղևորափոխադրումներն իրականացվում են   1 ուղևորի համար 100 (հարյուր) Հայաստանի Հանրապետության դրամ փոխադրավարձով.
2) Երևանի քաղաքապետի 2013 թվականի հուլիսի 19-ի «Երևան քաղաքի ներքաղաքային երթուղիները սպասարկող կազմակերպությունների կողմից իրականացվող ավտոբուսային (միկրոավտոբուսային) կանոնավոր ուղևորափոխադրում-ների վարձը վերանայելու մասին» N 3661-Ա որոշման   գործողության վերականգնումից հետո  ուղևորափոխադրումների վարձի չափը սահմանվելու է հանրային քննարկումների արդյունքում ներկայացված  եզրակացության հիման վրա: