Թութանհամոնի դամբարանն ավելի քան 3000 տարի անց հասել է մեզ գրեթե անփոփոխ վիճակում և համարվում է հնագիտական ամենահայտնի գտածոներից մեկը: 1922թ.-ից, երբ Հովարդ Կարթերը գտավ թաղված դամբարանը «Թագավորների հովտում»` Ֆիվի մոտ, անհայտ Թութանհամոնը դարձավ պատմության մեջ ամենահայտնի փարավոնը: Դամբարանի մեջ բրիտանացիներ Կարթերն ու Կարնարվոնը հայտնաբերեցին բազմաթիվ զարդեր, իրեր, կահույք, այդ ժամանակահատվածի արվեստի ստեղծագործություններ, ինչպես նաև ավելի քան 110 կիլոգրամ քաշով ոսկե սարկոֆագ՝ երիտասարդ փարավոնի մումիֆիկացված մարմնով:
2013թ.-ի մարտի 9-ից մինչև սեպտեմբերի մեկը Թութանհամոնի սարկոֆագը և դամբարանի գանձերը կարելի է տեսնել յուրօրինակ ցուցահանդեսում, որը բացվել է Բեռլինում: Հետաքրքի՞ր է: Ուրեմն եկեք անցնենք ներս:
«Թութանհամոն: Նրա դամբարանն ու գանձերը» (գեր. Tutanchamun Sein Grab und die Schätze, պաշտոնական կայք: www.tut-ausstellung.com) ցուցահանդեսը գտնվում է 4 հազար քմ տարածքի վրա Arena Berlin-ում (Eichenstraße 4 12435 Berlin): Այստեղ անցյալ տարի տեղի է ունեցել տատուի վարպետների միջազգային համաժողովը:
Մուտքի մոտ տրվում են աուդիոգիդեր (հասանելի լեզուներն են` գերմաներեն, անգլերեն, ֆրանսերեն և իսպաներեն), որոնք ուղեկցում են այցելուներին ցուցահանդեսում գտնվելու ողջ ընթացքում: Նյութը բավականին հետաքրքիր է, բացատրվում են շատ մանրամասներ և նրբություններ:
Հեղինակի խոսքերով` դեռ հիմնական ցուցադրական մաս չանցած` նրան արդեն պարուրել էր Հին Եգիպտոսի կախարդական մթնոլորտը:
Ռոզետտյան քարը — դա քարի մի կտոր է, որը գտնվել է Եգիպտոսում XVIII դարի վերջում Ռոզետտա քաղաքի շրջակայքում: Նրա վրա փորագրված է միևնույն տեքստը երեք լեզուներով՝ երկու հին եգիպտական և հունական: Հենց դա է եղել եգիպտական նշանագրության պարզաբանման սկզբնակետը:
Մուտքի մոտ այցելուներին դիմավորում է երիտասարդ Թութանհամոնի արձանը:
Նոր թագավորության XVIII տոհմի փարավոնը կառավարել է մոտ 9 տարի, մոտավորապես մ.թ.ա. 1332-ից մինչև 1323թթ. (մահացել է 19 տարեկան հասակում):
Չապրելով մինչև իր 20 ամյակը` Թութանհամոնը մահանում է (կամ նույնիսկ սպանվում) և թաղվում «Թագավորների հովտում»` Ֆիվի մոտ:
Luxor: King’s Valley,
Նոյեմբերի 26-ին անգլիացի եգիպտագետ Հովարդ Կարթերը և հնագետ լորդ Կարնարվոնը դարձան առաջինները, ովքեր ավելի քան 3000 տարվա ընթացքում դամբարան մտան: Բոլոր արտեֆակտերը նկարահանվել էին, համարակալվել և նկարագրվել:
Ցուցահանդեսի ընթացքում ներկայացվեց երկու հետաքրքիր ֆիլմ այդ ժամականաշրջանի մասին:
Որից հետո այցելուներին հնարավորություն է տրվում իրենց աչքերով տեսնել դամբարանի գանձերը:
Ցուցահանդեսի մեծ մասը հատկացված էր փարավոնի դամբարանի նկարագրությանը: Նրա մումիան դրված է երեք` իրար մեջ դրված սարկոֆագներում: Նրանցից երկուսը ոսկեջրած փայտից էին, իսկ երրորդը՝ մաքուր ոսկուց: Սարկոֆագները իրենց հերթին փակված էին չորս ոսկեջրած «պահարաններում», որոնք նույնպես իրար մեջ էին դրված:
Պատի նկարներ:
Սարկոֆագները:
Եվ Թութանհամոնի շիրիմի հայտնի դիմակը:
Թութանհամոնի ոսկե արձանը՝ կանգնած սև հովազի վրա:
Թութանհամոնը նիզակով:
Փարավոնի գահը:
Հանդիսությունների գահ:
Անուբիսը շան կերպարանքով:
Այլ գանձեր:
Չնայած նրան, որ ցուցահանդեսում ներկայացված էին միայն վերստեղծված պատճենները, և ոչ մի օրիգինալ չկար, այնպիսի տպավորություն էր ստեղծվում, որ իրոք գտնվում ես այդ ժամանակաշրջանում և քեզ հասանելի են բոլոր գաղտնիքներն ու առեղծվածները: Ինձ շատ դուր եկավ:
