Եթե մարդը պատշաճ կրում է դիմակ, ապա նրան հատուկ մոտենալը եւ անձնագիր պահանջելը նշանակում է, որ գործ ունենք ոչ թե կորոնավիրուսի դեմ պայքարի հետ, այլ լրիվ այլ երեւույթի հետ։ Ընդ որում, մի երեւույթի, որը կրում է ոչ թե հատուկենտ, այլ զանգվածային բնույթ Հայաստանի ողջ տարածքում։ Ակնհայտ է, որ իշխանությունների ցուցումով ոստիկաններն առանց այդ էլ կարանտինային պայմաններից հոգեբանորեն լարված մարդկանց դեմ իրականացնում են սադրանքների մի ողջ շղթա, որպեսզի այս կերպ իրենց դարձնեն հնազանդ մատերիալ՝ կոտրելով իրենց մեջ հասարակական դիմադրողականության էլեմենտը։ Դա հենց պատճառներից մեկն է, թե ինչու է Նիկոլն առանց որեւէ հիմնավորման ու անհրաժեշտության հա երկարացնում արտակարգ դրությունը, որպեսզի այն օգտագործի մարդկանց դիմադրողականությունը կոտրելու, տարատեսակ ազդեցության միջոցներով նրանց վարժեցման ենթարկելու ու նրանցից լրիվ հնազանդ զանգված ստանալու համար։ Եթե Նիկոլը մտածում է, որ չենք հասկանում իր կողմից ուղղորդվող այդ քայլերի տրամաբանությունը, ապա չարաչար ա սխալվում։ Մեթոդիկան էլ գիտենք ու գիտենք, թե որ դեսպանատունն ա այդ գործողությունների ձեռնարկը տվել այս իշխանությունների ձեռքը...
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել