Մեծ Բրիտանիայի բնակչուհի, 55-ամյա Քերոլայն Լաբուչերը դադարել է թաքցնել իր ծերությունը, ինչի հետևանքով հայտնվել է Vogue նորաձևության հեղինակավոր ամսագրի էջերում, գրում է Daily Mail-ը։

55-ամյա Քերոլայն Լաբուչերի խոսքով՝ երիտասարդ տարիքում պարբերաբար տառապել է ընկճախտով և 20 տարեկանում իրեն զգում էր «լքված և անիծված»: Ապրումների ֆոնին կնոջ մոտ  ծերացման վաղաժամ նշաններ, մասնավորապես՝ վարսերի ճերմակում է ի հայտ եկել։

Կնոջ խոսքով՝  հաճախ դիմել է տարբեր կոսմետիկ պրոցեդուրաների՝ վարսերի, մաշկի, մարմնի թերությունները շտկելու համար։

Սակայն 2017-ին նրա մոդել դուստրն առաջարկել է քաստինգի մասնակցել, ինչից հետո բրիտանուհու կյանք այլ ընթացք է ստացել։

«Այդ ժամանակից ի վեր իմ լուսանկարները բազմիցս հրապարակվել են բրիտանական Vogue-ի էջերում։ Մինչ այդ ես երբեք ինձ իսկապես գեղեցիկ չէի զգացել»,-խոստովանել է կինը։

Լաբուչերի խոսքով՝ այժմ ինքն իրեն համարձակ ու վստահ է զգում։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել