Այսօր Եւրոպայի ողջ տարածքին, եւ ոչ միայն, ազատ շուկայական «արժէքները» դուրս կը մղեն մարդկայնական նոր գաղափարներու յայտնաբերումը, որ՝ ուշ կամ կանուխ, պիտի կայանայ պատմութեան անխուսափելի հոլովոյթի տրամաբանութեամբ... Դրամատիրական անխնայ շահագործումը, կեղեքումի եւ հարստահարումի քաղաքականութիւնը պիտի սպառին վերջ ի վերջոյ... Ասիկա կը վերաբերի նաեւ՝ մեր երկրին մէջ ժողովուրդը հարստահարող, ստրկացնող սակաւապետերուն, որոնք ներկայիս ամէն կերպով կը շահագործեն հայրենի ժողովուրդը՝ կողոպտելով ու թալանելով երկրին ողջ հարստութիւնը, բնութիւնն ու անոր ընդերքը... Ճչացող այս ԱՆԱՐԴԱՐՈՒԹԻՒՆՆ ու ԱՆԻՐԱՒՈՒԹԻՒՆԸ չեն կրնար երկար յարատեւել, պատմութեան իսկ վկայութեամբ: Համայն աշխարհն ու մեր փոքրիկ ածուն անհամբեր կը սպասեն ողջունելու մարդկութեան ԲԱՐՈՅԱԿԱՆ ՎԵՐԱԾՆՈՒՆԴԸ, որուն ոտնաձայները կը լսուին տակաւ...
