Հայաստանում կորոնավիրուսից վարակվածների ընդհանուր թիվը 8927 է, մահվան դեպքերինը՝ 175 (127+48)։ Այս իրավիճակում օրական թեստավորումը 1039-ի հասցնելը, մեղմ ասած, անլուրջ վերաբերմունք է։ Համաճարակի ալիքի մեծացման պարագայում պետք է անշեղորեն մեծացվի թեստավորումների թիվը՝ հնարավորինս համապարփակ պատկեր ունենալու համար ու, գլխավորը, վարակի տարածումը կանխարգելելու նպատակով, որովհետև չհայտնաբերված բազմաթիվ ասիպտոմ հիվանդներ կարող են վարակել ռիսկային խմբերում ներառված մեր հայրենակիցներին, ինչի հետևանքով աճելու են ծայրահեղ ծանր հիվանդների ու, դժբախտաբար, մահերի թվերը։

Թեստավորումների թվի նվազումը թերևս պայմանավորված է թեստերի սակավությամբ, ու այս դեպքում լեգիտիմ է հարցադրումը, թե ինչու այս ուղղությմաբ բավարար ջանքեր չեն գործադրել կառավարությունը, պարետատունը, առողջապահության նախարարությունը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել