Aysor.am-ը գրում է․
Aysor.am-ը զրուցել է Սուրբ Գրիգոր Լուսավորիչ պոլիկլինիկայի տեղամասային թերապևտ Սաթենիկ Գրիգորյանի հետ՝ կորոնավիրուսի ասիպմտոմ դեպքերի ժամանակ տնային պայմաններում բուժման ձևերի, բժշկական հսկողության, կորոնավիրուսով հիվանդ պացիենտների հետ աշխատելու առումով պոլիկլինիկաների բժիշկների պատրաստվածության մասին։
- Տիկին Գրիգորյան, ո՞ր դեպքերում է որոշում կայացվում, որ պացիենտները պետք է բուժումը շարունակեն տնային պայմաններում։ Ինչպե՞ս են կազմակերպվում այդ աշխատանքները։
- Թեթև ձևերի ժամանակ՝ 37-38 աստիճան տաքության դեպքերն ամբուլատոր հսկողություն են ենթադրում, որը կատարվում է թե՛ տեղամասային պոլիկլինիկայի բժշկի կողմից, թե՛ հատուկ բժիշկների, որոնք կորոնավիրուսային հիվանդության ժամանակ ամեն օր զանգում են, կապ են պահպանում հիվանդների հետ, պարբերաբար ճշտումներ են կատարում հիվանդի ինքնագացողության մասին, տվյալ թերապևտը ևս կապի մեջ է լինում հիվանդի հետ ու օրը երկու անգամ ճշտում է նրա առողջական վիճակը։ Նման դեպքերում հիվանդները նշանակված բուժումը ստանում են տանը։
Այս պահի դրությամբ, շուրջ մեկ շաբաթ վարակի թեթև ձևերով պոլիկլինիկայի բժիշկներն են զբաղվում։ Եթե բարդություն կամ գանգատ է լինում, բժիշկն անձին հրավիրում է պոլիկլինիկա, հատուկ մեքենայով, այստեղ մեկուսարան ունենք, առանձին մուտքով անձը մտնում է պոլիկլինիկա, տեղում ջերմաչափում ենք, թոքերի ռենտգեն է իրականացվում, այնտեղ էլ անձն այլ մուքով է տեղափոխվում։ Անհրաժեշտության դեպքում բուժման տակտիկան փոխվում է։
- Որո՞նք են նման բուժման ընթացքում առաջացած հիմնական բարդությունները։
- Հիմնական բարդությունը թոքաբորբն է։ Դրանից ենք խուսափում։ Թեթև ձևեր շատ են լինում, հիվանդները նույնիսկ չգիտեն, որ իրենք հիվանդ են։ Հնարավոր է անգամ տաքություն չունենան։ Շատ հիվանդներ ունենք, որ որևէ գանգատ չունեն, միայն թեստի պատասխանն է դրական։ Բայց ասիմպտոմ դեպքերի ժամանակ նշանակում ենք հակավիրուսային դեղորայք, վիտամիններ, հեղուկներ, սննուդին է ուշադրություն դարձվում, անընդհատ հսկողություն է իրականացվում։ Այս պահին ասիմպտոմ դեպքերը շատ են լինում։
Խոցելի խումբն, օրինակ, դիաբետիկներն ու սրտի իշեմիկ հիվանդություններ ունեցողներն են, բայց նրանց համար կառավարության կողմից հստակ կարգ կա՝ նման բոլոր հիվանդներն ուղարկվում են ստացիոնար բուժման։ Դա պոլիկլինիկական ծառայությունը չի սպասարկում։ Նրանց նկատմամբ 24-ժամյա հսկողություն է իրականացվում։
Ամբողջական հոդվածը կարող եք կարդալ այստեղ
