Իրական գեղեցկությունը, տաղանդը, խարիզման և բնավորության ուժը չեն փչանա անգամ ուլտրակարճ սանրվածքների կամ գլուխը սափրելու դեպքում։ Շատ դերասաններ նոր դեր ստանալու համար ստիպված են եղել գնալ նմանատիպ փորձարկումների։ Ոմանց համար երկար մազերից հրաժարվելն իսկական անհաջողություն էր, իսկ ոմանց համար էլ՝ փառքի հասնելու կարճ ճանապարհ։
Նատալի Փորթման
Արդեն 12 տարեկանից Նատալին սկսում է նկարահանվել ֆիլմերում։ Մեր ժամանակների ամենաազդեցիկ դերասաններց մեկի՝ Նատալիի կարիերան սկսվեց «Լեո» ֆիլմից։ Դերասանուհին երբեք չի վախեցել փորձարկումներից։ Ապացույցը՝ «V for Vendetta» ֆիլմում նկարահանվելու համար նա ստիպված էր սափրել իր գլուխը։ Այս դերի շնորհիվ որոշ ժամանակ անց նա արդեն փայլում էր Կաննի կինոփառատոնի կարմիր գորգի վրա։
Էնն Հեթեուեյ
Դերասանուհին «Թշվառները» ֆիլմում հանդես եկավ ուլտրակարճ սանրվածքով։ Մյուզիքլի հերոսուհին, որին մարմնավորում էր Էննը, սեփական դստերը փրկելու համար վաճառում է իր մազերը և ատամները և դառնում մարմնավաճառ։ Նկարահանվելու համար դերասանուհին ոչ միայն զրկվեց իր մազերից, այլ նաև նիհարեց 11 կգ-ով։ Այս զոհաբերությունը գնահատվեց քննադատների և հանդիսատեսի կողմից, և Էննը ստացավ իր առաջին «Օսկարը»։
Քրիստեն Ստյուարտ
Քրիստեն Ստյուարտը և նրա կերպարը «Ջրի տակ» ֆիլմում, իրական ցնցում էր նրա երկրպագուների համար։ Դերասանուհին հաճախ է փորձարկումներ անում իր կերպարի հետ։ Ֆիլմը համեմատաբար վերջերս է դուրս եկել, սակայն շատ սառն է ընդունվել։ Իսկ ահա Քրիստենի իմիջային հերթական փոփոխությունը երկրպագուները շատ հավանեցին։
Քեյթ Բլանշեթ
Քեյթ Բլանշեթ՝ Հոլիվուդի տաղանդավոր և գրավիչ շիկահերը և երկու «Օսկարի» դափնեկիր։ Նա դրամատիկ «Երկինք» ֆիլմում նկարահանվելու համար կտրել է իր մազերը։ Սակայն նրա նոր կերպարը չի հիասթափեցրել երկրպագուներին և հենց իրեն էլ։ Նա նկարահանումների ժամանակ անգամ հրաժարվել է գլխարկ կրելուց։
Դեմի Մուր
Դեմի Մուրը և «Զիվոր Ջեյն» ֆիլմում նրա մարմնավորած Ջորդան Օ՛Նիլ դերն անսովոր են, վառ և տաղանդավոր։ Պետք է նշել, որ դերասանուհին առաջինններից մեկն է, ով հանուն դերի հրաժարվել է իր մազերից։ Ֆիլմը և դերն այդքան էլ չսիրվեցին քննադատների կողմից, սակայն դերասանուհու զոհաբերությունը համաշխարհային փառք բերեց նրան։
