Կենտրոնանալով այն կարծրատիպի վրա, որ տղամարդիկ սիրում են աչքերով, կանայք երբեմն չափից շատ են ժամանակ հատկացնում իրենց արտաքին տեսքին։ Իհարկե, շատ քչերը են ուշադրություն դարձնում իրենց քիչ հետևող, բայց անսահման ներքին աշխարհ ունեցող կանանց վրա։ Ինչպես ասում են, մարդու մեջ ամեն ինչ պետք է կատարյալ լինի։
Սակայն կատարելությունը չի որոշվում մարմնի համամասնությամբ, նորաձև սանրվածքներով և ոճային զգեստներով։ Շփման ժամանակ կինը տղամարդուն գրավում է իր վարքով, կյանքի և շրջապատի հանդեպ իր վերաբերմունքով։ Ահա մի քանի որակներ, որոնք տղամարդիկ բացառիկ են համարում։
Նա կարողանում է ծիծաղել իր վրա
Եթե կինը ոչ միայն հասկանում և գնահատում է կատակները, այլ նաև ինքն է կարողանում կատակել, ապա դա չի կարող մնալ աննկատ։ Ոչ, նա չի ծիծաղում հիմարությունների վրա, որպեսզի սիրաշահի զրուցակիցներին։ Նա միշտ գնահատում է իրական սրամտությունը։ Կանայք հայտնի են իրենց զգացմունքայնությամբ և կարող են վիրավորվել ցանկացած մանրուքից։ Սակայն շատ քչերն են պատրաստ ծիծաղել իրենք իրենց վրա։ Կարծիք կա, որ այս կարողությունն ունեն միայն խելացի կանայք։
Նա անկեղծ է զուգընկերոջ հանդեպ
Տղամարդիկ շատ հաճախ են տարբեր խնդիրներ լուծում աշխատանքի ժամանակ, և այդքան էլ չեն սիրում, երբ կնոջ հետ շփման ժամանակ ստիպված են լինում ռեբուսներ բացահայտել։ Խնդիրները քննարկելու կարողությունը և անկեղծությունը շատ է գնահատվում ուժեղ սեռի ներկայացուցիչների կողմից։ Իհարկե, կնոջ մեջ պետք է գաղտնիք լինի, սակայն ոչ միշտ և ոչ ամեն ինչում։ Անհրաժեշտության դեպքում ուղիղ խոսացող կինը միշտ էլ կգնահատվի ըստ արժանիքների։
Նա անկախ է և վճռական
Ծայրահեղ ֆեմինիզմը թողնենք մի կողմ, սա նրանց մասին չէ։ Հարմոնիկ հարաբերություններում կանայք պետք է ինքնուրույն լինեն։ Իր մասին հոգ տանող կինը հարգանք է առաջացնում։ Նրանց հետ հարաբերությունները ստեղծվում են փոխլրացման և հավասարության հիման վրա։
Տղամարդիկ հասկանում են, որ դժվար պահերին կարող են իրենց հույսը դնել ինքնաբավ կնոջ վրա։ «Հավերժ աղջնակներին» խնամելը տղամարդիկ որպես պարտականություն են ընկալում, իսկ անկախ կնոջ մասին հոգ տանելը՝ որպես արտոնություն։
