Տարեց ամուսիններն ապաքինվել են կորոնավիրուսից նույն օրը

Մեծ Բրիտանիայում միասին 56 տարի ապրած զույգը նույն օրն ապաքինվել է COVID-19 վիրուսից: Այս մասին հայտնում է Daily Mail-ը:

Բրիտանացի ամուսինները՝ 77-ամյա Սիդնի Մուրը և նրա կինը՝ 76-ամյա Ջինը, իրենց վատ են զգացել և հոսպիտալացվել են:

Զույգին տեղափոխել են ինֆեկցիոն հիվանդանոց, որտեղ նրանց կորոնավիրուսի թեստը դրական է եղել:

Ամուսիններին թույլատրվել է բուժվել մեկ բաժնում, որպեսզի նրանք ավելի մոտ լինեն միմյանց:

Ուղիղ 5 օր անց զույգը կրկնակի թեստ է հանձնել, որոնց արդյունքները բացասական են եղել: Նրանց տուն են ուղարկել վերականգնման համար: