Porsche-ն աճուրդի կհանի ավելի քան 275 000 դոլար արժողությամբ 911 Speedster-ն ու հասույթը կտրամադրի կորոնավիրուսի դեմ պայքարին (Photo)

Porsche մեքենաշինական ընկերությունը որոշել է համագործակցել RM Sotheby’s աճուրդի տան հետ և դրանով աջակցել կորոնավիրուսի համավարակի դեմ պայքարին:

Ինչպես նշում է Luxury Launches կայքը, ընկերությունը պատրաստվում է աճուրդի հանել 991 սերնդի՝ սերիական արտադրության դրված մոդելներից վերջինը, իսկ ստացված հասույթը տրամադրել համավարակի դեմ պայքարող հիմնադրամներին:

Porsche 911 Speedster մոդելն արտադրվել է 1948 օրինակով, իսկ աճուրդի հանվելիք մեքենան վերջին նմուշն է, որն արտադրվել է անցած տարվա դեկտեմբերին: Այն 991 սերնդի վերջին Speedster ներկայացուցիչն է:
Մեքենան գրանցված չէ, անցել է մոտ երեսուն կմ տարածություն, համալրված է 4 լ աշխատանքային ծավալով շարժիչով: Դրա գինը 275 750 դոլար է: