Գյումրիում երկու ոստիկանի են դանակահարել, որոնք փորձել են ստուգել տեղաշարժի թերթիկի առկայությունը

Factor.am-ը գրում է․

Գյումրիում քիչ առաջ դանակահարել են երկու ոստիկանի: Factor.am-ին հայտնի դարձավ, որ վերջիններս արտակարգ դրության շրջանակներում երկու քաղաքացուց պահանջել են փաստաթղթեր, ինչից հետո, դեռևս անհայտ հանգամանքներում, քաղաքացիները դանակահարել են ոստիկաններին:

Գյումրի ԲԿ-ից Factor.am-ին փոխանցեցին, որ քիչ առաջ կրծքավանդակի կտրած-ծակած վերքով հիվանդանոց են տեղափոխվել 1995 թվականին ծնված Ա. Բ-ն և 1989 թվականին ծնված Ա. Հ.-ն:

Նրանց մոտ ախտորոշվել է ձախ ազդրի կտրած-ծակած վերք:

Այս պահին ոստիկանները ստանում են համապատասխան բժշկական օգնություն: Նրանցից մեկը Գյումրիից է, մյուսը՝ Արագածոտնի մարզի Կաթնաղբյուր գյուղից:

Ոստիկանության լրատվական վարչությունից մեզ փոխանցեցին, որ անցկացվում է քննություն՝ դեպքի հանգամանքները պարզելու համար: