Ճապոնական ընկերության ղեկավարությունը որոշում ընդունեց, որից հետո նույնիսկ ամենամոլի ծխողները թողեցին ծխելը

Ներկայացնում ենք ճապոնական հաջողակ Piala Inc. ընկերության ղեկավարության որոշումը, որի պատճառը ոչ թե առողջության մասին հոգ տանելն է, այլ չծխող աշխատակիցների բավական արդարացի նկատողությունները:

Նրանք նկատեցին, որ գործընկերների ամեն ընդմիջումը ծխելու համար 15 րոպե է տևում:

Օրվա ընթացքում մի քանի այդպիսի ընդմիջում կարող է լինել: Ստացվում է՝ չծխողներն ավելի շատ են աշխատում, քան ծխողները:

Այդ հեղափոխական որոշումից հետո բոլորն իրավահավասար դարձան: Առողջ ապրելակերպի կողմնակիցները տարեկան 6 հանգստյան օր ստացան որպես փոխհատուցում չափից շատ աշխատելու համար:

Ընկերության ղեկավար Տակաո Ասուկայի խոսքով՝ նորամուծությունից հետո 4 աշխատակից թողեց ծխելը: