Ինչպես հաղորդում է FoxNews-ը, Արքայազն Հարիի կինը՝ ՄեգանՄարքլը, արգելել է ամուսնուն ճանապարհորդել կորոնավիրուսային համաճարակի ընթացքում, այդ թվում՝ դեպի հայրենիք՝ տեսնելու հորը: Հիշեցնենք, որ օրեր առաջ հայտնի դարձավ, որ արքայազն Չարլզը վարակվել է COVID-19 կորոնավիրուսով:

Չնայած այն բանին, որ 71-ամյա արքայազն Չարլզի մոտ առկա են հիվանդության «միջին ախտանշաններ», և նա իրեն լավ է զգում, Հարին շատ է անհանգստանում հոր համար, քանի որ տարիքի պատճառով նա ռիսկային գոտում է:

Սասեքսի դուքսը՝ կնոջ և որդու հետ ինքնամեկուսացել է Լոս Անջելեսում, ուր ընտանիքը վերջերս տեղափոխվեց կանադական Վանկուվերից:

Նշվում է, որ Մեգան Մարքլը կտրականապես արգելել է Հարիին մեկնել Բրիտանիա՝ վախենալով, որ նա կարող է վարակվել կորոնավիրուսով:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել