Հղիության վերաբերյալ մի շարք մոլորություններ կան, օրինակ՝ «ապագա մայրիկներն ուտում են երկուսի փոխարեն» կամ «պետք է հեռու մնալ սուրճից» և այլն։ Այս ամենից գլուխ հանելը շատ բարդ է։ Այս պնդումների մեծ մասն իրականում սխալ է, այդ պատճառով այստեղ մենք ուզում ենք պատմել այն գործողությունների մասին, որոնցից պետք է հեռու մնալ հղիության ընթացքում։
Շաքարավազի չափից շատ օգտագործում
Հետազոտություները ցույց են տվել, որ քաղցրը չարաշահած մայրիկների երեխաները խնդիրներ են ունենում սովորելու և հիշողության հետ։ Նույնը վերաբերում է նաև շաքարի փոխարինողներին։
Ինչ անել.
- Քաղցրավենիքի փոխարեն շատ միրգ կերեք,
- Սահմանափակեք գազավորված ընպելիքի օգտագործման քանակը։
Ճիչ և նախատինք
Ճիչը տագնապ և դեպրեսիա է առաջացնում, իսկ սա կարող է վնասել ապագա երեխայի իմունային համակարգին և ուղեղին։ Բացի այդ, ճիչը կարող է տհաճ գործոն դառնալ հղի կնոջ համար. այն կարող է առաջացնել գլխացավ, սրտխառնոց և խնդիրներ քնի հետ։
Ինչ անել.
- Շատ հանգստանալ,
- Քնել,
- Մեդիտացիայով զբաղվել,
- Զբոսնել։
Լաց
Հղիության ժամանակ լացելը սովորական երևույթ է, քանի որ այդ ընթացքում դուք կարող եք ավելի էմոցիոնալ դառնալ։ Սակայն եթե լացի հետ մեկտեղ նաև ունեք ախորժակի կորուստ, մեղքի զգացում, քնկոտություն և հետաքրքրության կորուստ, ապա ձեզ մոտ կարող է դեպրեսիա առաջանալ։
Ինչ անել.
- Եթե նախանշաները տևում են երկու շաբաթից ավել, ապա դիմեք բժշկի։
- Այլ մայրերից և հղի կանանցից աջակցություն խնդրեք։
