Tert.am-ը գրում է.
Ազգային ժողովը երկրորդ ընթերցմամբ և ամբողջությամբ քվեարկեց «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման» մասին և կից ներկայացված օրենքների նախագծերի փաթեթը: «Իմ քայլը» խմբակցության պատգամավոր Բաբկեն Թունյանն ասաց, որ բաց կթողնեն քվեարկությունները: «Ողջունում ենք նախագիծը, նախաձեռնությունը, բայց կան խնդրահարույց հարցեր, և մարդիկ կան մի կարծիքի են, մարդիկ կան՝ մեկ այլ»,-ասաց նա:
Նույն խմբակցությունից Լուսինե Բադալյանը խոսեց պատգամավորի նկատմամբ հարգելու կարևորության մասին և նշեց: «Հարգելի՛ փոխնախարար, այլևս որևէ մեկը չհամարձակվի այստեղ շանտաժի լեզվով խոսի պատգամավորների հետ, այն արտահայտությունը, որ ով դեմ է քվեարկելու՝ բոլոր մահերը մնալու են նրա խղճին, անթույլատրելի է»,-ասաց նա:
«Լուսավոր Հայաստան» խմբակցությունից Գուրգեն Բաղդասարյանը նշեց, որ ինքն էլ է միանում տիկին Բադալյանի ասածին. «Քանի որ խոսք են տվել մի բան, իսկ բերել այլ բան, միայն դրա համար պետք է դեմ քվեարկել»,-ասաց նա:
Գևորգ Գորգիսյանը անդրադառնալով նախագծերի լրամշակմանը, ասաց, որ ելնելով դառը փորձի վրա կողմ չենք քվեարկի, բայց պատրաստ ենք միասն քննարկել: ԲՀԿ-ից Արթուր Գրիգորյանն ասաց, որ ԲՀԿ-ն կողմ է նախագծին, բայց համաձայն են հետո աշխատանքային խումբ ձևավորելու արդյունքում շտկել:
Ամբողջական հոդվածը կարող եք կարդալ այստեղ