Bravo.am-ը գրում է.
Փետրվարի 7-ը Լյուսի Հայրապետյանի համար միշտ առանձնանում է բազում անակնկալներով ու անմոռանալի պահերով: Մոդել-հաղորդավարուհին տոնել է ծննդյան տարեդարձը: Ինչպես BRAVO.am-ի հետ զրույցում է կատակով նշել, այս անգամ կարծես 7 տարեկան է դարձել կամ էլ նոր է ծնվել: Տոնական օրը վայելել է Դոմինիկյան Հանրապետությունում:
«Առաջին շնորհավորանքն ու բարեմաղթանքը սրտիկիցս էր՝ նվեր, ընթրիք օվկիանոսի ափին: Մի խոսքով՝ կեսգիշերին սկսվեց հեքիաթը: Արդյունքում հանգիստս կիսվեց երկու մասի՝ մենակ, հետո՝ նրա հետ. անակնկալ արեց եւ եկավ ինձ մոտ: Փակագծեր չբացենք: Կապրենք՝ կտեսնենք: Նշել եմ հայտնի Coco Bongo ակումբում՝ «The Mask» ֆիլմի տպավորությունների ներքո: Առաջին անգամ չէ, որ տարեդարձս այլ երկրում եմ նշում: Հակառակը՝ հաշված տարիներ են, որ նշել եմ Երեւանում: Ծննդյանս օրը փախչել եմ սիրում»,- ասել է Լյուսին եւ հավելել, որ այս տարեդարձն առանց տոնական տորթի է եղել, բայց ոչ՝ առանց երազանքի: Տորթին փոխարինել է կոկոսը, որի հյութը լցրել է իր վրա, դեմքին ու երազանք մտապահել: Մի քիչ տարօրինակ, բայց կարծում է՝ հետաքրքիր է ստացվել:
Ամբողջական հոդվածը կարող եք կարդալ այստեղ
