Պարոն Թունյան Բաբկեն, երբ Ամուլսարի հարցով հանրաքվե անցկացնելու շուրջ ԱԺ-ում քննարկումների ժամանակ արտահայտում էիք ձեր դիքորոշումը՝ նշելով, որ չեք ուզում ձեր հարևան անգրագետ Պողոսը` իր անգրագետ բազմամարդ ընտանիքով, ավելի մեծ դեր խաղա որոշում կայացնելու հարցում, քան դուք, դեմ լինելով հանրաքվեով հարցեր լուծելու մեթոդին, հիմա ի՞նչ կասեք, արդյո՞ք ձեր հարևան անգրագետ Պողոսն ի վիճակի է ընկալելու սահմանադրական փոփոխությունների նպատակը, թե՞ կարևորն իր կողմ քվեարկելն է։

Որքանո՞վ է ձեզ համար ճիշտ համարվում վարչապետ Նիկոլ Փաշինյանի կոչը սփյուռքահայերին` գալ Հայաստան և մասնակցել հանրաքվեին, երբ կոչի մեջ չի հիշատակվում գալ և մշտական բնակություն հաստատել, այլ ուղղակի աջակցել անցկացնել ՍԴ փոփոխությունները։ Բարոյակա՞ն է ձեզ համար վարչապետի կոչը, երբ սփյուռքահայ, գուցե նաև որոշ անգրագետ Պողոսների հրավիրում է Հայաստան` մեր, պետության, հայրենիքի ճակատագիրը որոշելու այն դեպքում, երբ չեն պատրաստվելու մնալ և ապրել մեր կողքին։

Չե՞ք կարծում, որ այդ Պողոսները մի գեղեցիկ օր ձեզ հարցեր կունենան ուղղելու, օրինակ, թե այդ ի՞նչ արժանիքների համար էիք ձեզ իրենցից վեր դասում, երբ նման ձևակերպումով ելույթ էիք ունենում...

Հ.Գ. Վերջին շրջանում, առհասարակ, շատերդ մոռացել էիք ձեր էլեկտորատի, նրա կարիքների մասին, բայց երբ նեղն ընկաք, նորից սկսեցիք հիշել ձեր հիշատակած «անգրագետ Պողոսին», որ աջակցի ձեզ երկարացնել իշխանավարման ժամկետները...
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել