Ժամանակակից հասարակությունում էթիկայի կանոններն աստիճանաբար գնում են երկրորդ պլան, այդ պատճառով բավականին բարդ է էթիկայի կանոնները պահպանող տղամարդու հանդիպելը։
Սակայն կանայք չեն դադարել ուշադրություն դարձնել տղամարդկանց էթիկային։ Եվ եթե նրանք պահպանում են այդ կանոնները, ապա միանգամից դրական կարծիք է ձևավորվում նրանց մասին, այդ պատճառով ցանկացած տղամարդ պետք է իմանա այս կանոնները, որոնք նրանց կօգնեն ցանկացած իրավիճակում դրական կերպար ստեղծել։
Հանդիպման ժամանակ շփում է անհրաժեշտ
Որևէ տեղ մուտք գործելուց առաջ շատ կարևոր է չշտապել որևէ գործողություն անելիս։ Առաջին հերթին անհրաժեշտ է ողջունել բոլորին։ Գլխավոր նպատակն այն է, որ շրջապատի բոլոր մարդիկ արձագանքեն ձեր հայտնվելուն։
Մթնոլորտ ստեղծեք
Շփում սկսելիս շատ կարևոր է, որ դրական մթնոլորտ ստեղծեք։ Դրա համար բավական է ասել մի քանի արտահայտություն.
- Այսօր հիանալի տեսք ունես։
- Ուրախ եմ քեզ տեսնել։
- Այս զգեստն ընդգծում է քո բոլոր առավելությունները։
Այս արտահայտությունների մեջ ոչ մի բարդ բան չկա։ Նրանք միանգամից ցուցադրում են ցանկացած տղամարդու լավ դաստիարակությունը։ Գլխավորը՝ այս արտահայտություններն ասել առանց ամաչելու և վստահ։
Չի կարելի հյուր գնալ դատարկ ձեռքերով
Ինչ-որ մեկին հյուր գնալիս միշտ որևէ բան վերցրեք ձեզ հետ։ Դա կարող է լինել.
- Ալկոհոլ,
- Քաղցրավենիք,
- Ծաղիկներ և այլն։
Այս քայլով ցույց եք տալիս ձեր հարգանքը։ Այս որակը ցույց է տալիս նաև ձեր հասունությունը։
Անհրաժեշտ է պահել դուռը
Հասարակ կանոն է, որը շատերը չեն պահում։ Դուռը պետք է պահել ինչպես տղամարդկանց, այնպես էլ կանանց համար։
Աստիճաններով բարձրանալիս տղամարդը պետք է գնա կնոջ ետևից
Շատ տղամարդիկ միշտ մոռանում են այս կանոնի մասին։ Խնդիրն այն է, որ ցանկացած պահի կինը կարող է սայթաքել և ընկնել։
Տղամարդը ցանկացած պահի պետք է պատրաստ լինի կնոջն օգնելուն։ Այս սովորությունը դժվար թե նկատվի, սակայն այն միշտ պետք է պահպանել։