1in.am-ը գրում է.
Այսօր քաղցրակերները տոնում են Շոկոլադի համաշխարհային օրը (World Chocolate Day)՝ հայտնում է Calend.ru-ն:
Շոկոլադի օրը առաջին անգամ որոշել են նշել ֆրանսիացիները՝ 1995թ.:
Տարածված կարծիքի համաձայն՝ շոկոլադ սովորել են պատրաստել ացտեկները: Նրանք այն անվանել են «աստվածների սնունդ»:
Իսպանացի կոնկիստադորները, որոնք առաջին անգամ այն տեղափոխել են Եվրոպա, շոկոլադն անվանեցին «սև ոսկի» և այն օգտագործում էին ֆիզիկապես ուժեղանալու համար:
Ավելի ուշ շոկոլադի օգտագործումը Եվրոպայում սահմանափակվել էր միայն արիստոկրատների շրջանում: Հայտնի կանայք այն համարում էին աֆրոդիզիակ: Միայն 20-րդ դարում, երբ զարգացավ արդյունաբերությունը, սովորական մարդիկ նույնպես կարողացան այն վայելել:
Աշխարհում շոկոլադին նվիրված առաջին հուշարձանը տեղադրվել է 2009թ. հուլիսի 1-ին:
Ինչպես ապացուցել է ժամանակակից գիտությունը, շոկոլադի մեջ կան տարրեր, որոնք նպաստում են հանգստին ու հոգեվիճակի վերականգնմանը:
Շոկոլադի մուգ տեսակները խթանում են էնդորֆինի՝ երջանկության հորմոնի արտազատմանը, որն ազդում է հաճույքի կենտրոնի վրա, լավացնում տրամադրությունն ու նպաստում օրգանիզմի տոնուսի բարձրացմանը:
