Բելառուսի առաջարկած պայմաններով անիմաստ է գնել ռուսական նավթ, ուստի կառավարությունն ու նավթավերամշակման գործարանները փնտրում են այլընտրանքային մատակարարման ուղիներ, այդ թվում՝ Ուկրաինայից, Լեհաստանից, Մերձբալթյան երկրներից, Ղազախստանից և Ադրբեջանից: Այս մասին հայտարարել է վարչապետի առաջին տեղակալ Դմիտրի Կրուտոյը՝ հայտնում է BelTA-ը:
Ըստ նրա՝ համապատասխան առաջարկներն ուղարկվել են, և ձեռնարկությունների առևտրային ծառայությունները բանակցություններ են վարում «գրեթե ամեն օր»: Կրուտոյը հույս է հայտնել, որ շուտով այս բանակցությունները արդյունք կտան:
Ինչ վերաբերում է Ռուսաստանի հետ շփումներին, պաշտոնյան նշել է, որ մինչ այժմ որևէ առաջընթաց չի գրանցվել:
Մինսկը հրաժարվում է հավելավճարներ տալ ռուսական նավթային ընկերություններին, որոնց չափի մասին պայմանավորվել են 2011 թվականին: Փոխվարչապետը բացատրել է, որ Ռուսաստանի հարկային մանևրի շնորհիվ Բելառուսի համար նավթի գինը կավելանա ամեն տարի:
Կրուտոյը նշել է, որ մինչ այժմ միայն «Սլավնեֆտ» ընկերությունն է ընդառաջել բելառուսական շուկային: Միևնույն ժամանակ, նա վստահ է, որ Մինսկի համար դուրս գալը հեշտ չի լինի, քանի որ ռուսական նավթի արտահանման մոտավորապես տասը տոկոսը սովորաբար գնում էր այնտեղ:
