1) Հենց այսօր ես երջանիկ կլինեմ: Դա նշանակում է, որ Աբրահամ Լինկոլնի օրինակով կասեմ ինքս ինձ. «Մեծամասնությունը մեզնից երջանիկ է ճիշտ այնքան, որքան ցանկանում է երջանիկ լինել»: Երջանկությունը ներսից է բխում, արտաքին գործոնները դրա հետ ոչ մի կապ չունեն:
2) Հենց այսօր հաշվի կնստեմ նրա հետ` ով եմ իրականում, և չեմ ստիպի շրջապատող աշխարհին հաշվի առնել իմ ցանկությունները: Ես կընդունեմ իմ ընտանիքը, աշխատանքը և իմ ճակատագիրը այնպիսին, ինչպիսին կան, և կփորձեմ համապատասխանել նրանց:
3) Հենց այսօր կհոգամ իմ օրգանիզմի մասին: Ես կամրացնեմ օրգանիզմս ֆիզիկական վարժություններով, մարմնիս նկատմամբ հոգատար վերաբերմունքով, ճիշտ սնունդով: Կդադարեմ օրգանիզմս լցնել վնասակար ավելորդություններով: Ես ցանակնում եմ օրգանիզմս իդեալական մեքենա դարձնել իմ կարիքները հոգալու համար:
4) Հենց այսօր կփորձեմ զարգացնել իմ ինտելեկտը: Կփորձեմ իմանալ ինչ-որ արժեքավոր բան: Կստիպեմ ուղեղս աշխատել ու կկարդամ կարևոր մի բան, որ կպահանջի մտավոր լարվածություն և մտքերի կենտրոնացում:
5) Հենց այսօր կզբաղվեմ հոգուս կատարելագործմամբ: Դրա համար երեք բան պետք է անեմ: Որևէ մեկին հաճելի մի բան կանեմ, բայց այնպես, որ ոչ ոք դրա մասին չիմանա: Եվ ևս երկու բան կանեմ, որ սարսափելիորեն չեմ ուզում անել. ուղղակի կամքը փորձելու համար` ինչպես Ուիլյամ Ջեյմսը կասեր:
6) Հենց այսօր կփորձեմ ամեն առումով հաճելի մարդ լինել: Կհոգամ իմ արտաքին տեսքի մասին, կփորձեմ ավելի լավ հագնվել, ավելի զուսպ խոսել և ավելի նրբանկատ լինել շրջապատի հետ, գովաբանության աստիճան առատաձեռն լինել, խուսափել քննադատելուց:
7) Հենց այսօր կսկսեմ ապրել այսօրվա օրով` խուսափելով բոլոր խնդիրներս միանգամից գլխիս թափելուց: Այդ տասներկու ժամվա ընթացքում կարող եմ մի քանի կոնկրետ գործ անել, որոնք թողնելով վաղվան, կտանջեն ինձ ամբողջ կյանքիս ընթացքում:
8) Հենց այսօր ինձ համար օրակարգ կմշակեմ: Կգրեմ` ինչ պետք է անել ամեն կոնկրետ օր: Գուցե չհաջողվի այդ օրակարգին խստորեն հետևել, բայց ամեն դեպքում այն ինձ կազատի երկու չար փորձանքից` շտապելուց ու անորոշությունից:
9) Հենց այսօր երկու ժամ կհատկացնեմ հանգստի ու լիցքաթափվելու համար: Լավ կլինի, այդ երկու ժամվա ընթացքում, երբեմն մտածեմ Աստծո մասին, դա իմ կյանքին բարգավաճման զգացողություն կտա;
10) Հենց այսօր կդադարեմ վախենալ: Ամենաքիչը ես կվախենամ երջանիկ լինելուց, ամենաքիչը կվախենամ ամեն հրաշալիքից` ինչ կա այս աշխարհում, հաճույք ստանալուց, կխուսափեմ վախենալ սիրելուց ու հավատալուց, որ ինձ նույնպես սիրում են: Ես կմտածեմ ու կգործեմ երջանիկ մարդու պես, և ես ինձ երջանիկ կզգամ: