Ցլեր
Առաջին հորիզոնականը զբաղեցնում են Ցլերը։ Անգամ միալար և միանման աշխատանքը նրանց մեծ ուրախություն կպարգևի, և իհարկե, բարձր և կայուն աշխատավարձը նրանց ավելի կմոտիվացնի։ Նրանք հասկանում են աշխատանքի առկայության անհրաժեշտությունը, սակայն եթե նրանց անգոծության մատնվելու հնարավորություն տան, նրանք չեն հրաժարվի։
Խոյեր
Խոյերին նույնպես կարելի է դասել աշխատասերների շարքին, հատկապես եթե իրենց առջև դրված նպատակը ոգևորում և հաճույք է պատճառում իրենց։ Հանգստյան օրերը կարող են տրամադրել աշխատանքին, ինչպես նաև ներգրավել ուրիշներին։ Նրանց համար ամենագլխավորն այն է, որ էնտուզիազմը չանհետանա, անգամ երբ նկատում են, որ իրենց աշխատանքը սպասելի արդյունքը չի տալիս։
Աղեղնավորներ
Երբեմն տպավորություն է ստեղծվում, որ Աղեղնավորները երբեք չեն հոգնում։ Սակայն իրականում նրանք ուղղակի ցանկանում են շուտ վերջացնել իրենց աշխատանքը և ազատ ժամանակը տրամադրել հոբին, հանգստին կամ ընտանիքին։ Նրանք կարող են միաժամանակ մի քանի տեղում աշխատել, և որքան էլ տարօրինակ թվա, նրանք միշտ հասնում են իրենց նպատակին։ Պատասխանատու և պարտաճանանչ Աղեղնավորները պատրաստ են ամենակարճ ժամանակահատվածում իրականացնել ամենաբարդ առաջադրանքները։
Կարիճներ
Կարիճներին արդյունավետ աշխատելու համար մոտիվացիա է հարկավոր։ Հաճախ առեղծվածային Կարիճների աշխատանքի տակ թաքնված է լինում տնային հոգսերից փախչելու ցանկությունը։ Միևնույն ժամանակ նրանց համար կարևորն արդյունքն է։ Նրանք հակված են անընդհատ, առանց որևէ պատճառի փոխելու իրենց առաջադրանքները։
Ձկներ
Ձկներն աշխատասեր են դառնում այն ժամանակ, երբ իրենց կյանքում, բացի աշխատանքից, ուրիշ ոչինչ չի լինում։ Նրանք պատրաստ են աշխատել առավոտից մինչև ուշ գիշեր և միշտ ձգտում են ղեկավար լինել։ Եթե նրանց ուշադրությունը շեղվում է որևէ այլ բանի վրա, ապա աշխատանքը ընկնում է երկրորդ պլան։
