Այսօր առավոտյան ԵՊՀ իր աշխատասենյակից բերման է ենթարկվել ԵՊՀ ուսանողական խորհրդի նախագահ Դավիթ Ափոյանը։
Նրան ձեռնաշղթաներով, անձի պատիվն ու արժանապատվությունը նվաստացնող կերպով դուրս են բերել համալսարանից։
Հարկ է նշել, որ Դավիթ Ափոյանին ոստիկանություն ներկայանալու ծանուցագիր չի ներկայացվել, հետևաբար, ոստիկանության գործողությունները գնահատում եմ ապօրինի։
Այստեղ հատկանշական է, որ Ափոյանը մեծ հեղինակություն է վայելում ԵՊՀ ուսանողների շրջանում և իր գործունեության ընթացքում առաջնորդվում է բացառապես ԵՊՀ շահով՝ հաճախ ընդդիմանալով օրվա իշխանությունների կողմից ԵՊՀ նկատմամբ տարվող քաղաքականությանը։
Որպես համալսարանական և Հայաստանի քաղաքացի՝ դատապարտում եմ ոստիկանության նմանօրինակ գործելաոճը և իմ վրդովմունքն եմ հայտնում կատարվածի առնչությամբ։
Պահանջում եմ անհապաղ ազատ արձակել Դավիթ Ափոյանին և ներկայացնել պարզաբանում ոստիկանության կամայական գործողությունների առնչությամբ։
