Շատերը տարեցների շատ տարածված կարծրատիպային հայացքով են վերաբերվում։ 60-ից հետո մարդու վրա սկսում են նայել լրիվ այլ կերպ. նրան սկսում են ավելի քիչ վստահել, չեն հավատում նրա ինքնուրույնությանը, հաճախ երեխայի հետ են համեմատում։ Միասին դիտարկենք 7 տարածված կարծիք տարեցների մասին, որոնք չեն համապատասխանում իրականությանը։
1. Տարիքի հետ մարդիկ հիմարանում են
Իհարկե, ծերությունը կարող է բերել կոգնիտիվ ունակությունների փոփոխության, բայց ոչ միշտ։ Վատանում է ռեակցիան, սակայն ուղեղի աշխատանքը ակտիվանում է այլ հատվածներում։ Տարեցներն ավելի մեծ կյանքի փորձ ունեն։ Նրանց բառապաշարն էլ ավելի հարուստ է, քան ավելի երիտասարդներինը։
2. Ծերությունը տանջում է մարդկանց
Այս միֆը նույնպես վաղուց հերքվել է, քանի որ հետազոտությունների արդյունքում պարզվել է, որ տարեց մարդիկ բնակչության ամենաերջանիկ խավն են։
3. Ծերությունը միայնության է դատապարտում
Սոցիալական մեկուսացումը իհարկե կարող է խնդիր դառնալ տարեցների համար, սակայն ընտանիքի հետ հավաքները, հասակակից ընկերուհիները և, իհարկե, թոռները թույլ չեն տալիս, որ նրանք իրենց մեկուսացված զգան։
4. Ծերությունը զրկում է կրեատիվությունից
Սա մոլորություն է, շատ մարդիկ այս տարիքում սկսում են ազատել իրենց կրեատիվ էներգիան։ Հիշեք, թե որքան նկարիչներ, գրողներ և երաժիշտներ են իրենց գլուխգործոցները ստեղծել պատկառելի տարիքում։
5. Տարեցների մտածելակերպը շատ սահմանափակ է
Ամեն բան կախված է կոնկրետ մարդուց, բայց եթե դուք մի քանի փնթփնթան բիձուկ եք ճանաչում և նրանցով եք դատում բոլորին, չարաչար սխալվում եք։ Շատ տարեցներ են հեշտությամբ վերաբերվում ամեն նորի և հեշտությամբ լեզու գտնում երիտասարդների հետ։
6. Ծերությունից չես խուսափի, դա գենետիկա է
Իհարկե, դա այդպես է, բայց ծերությունը կարելի է դանդաղեցնել։ Ճիշտ սնունդն ու առողջ ապրելակերպը կօգնեն ավելի երիտասարդ տեսք ունենալ և ավելի երիտասարդ զգալ։
7. Ծերությունը զրկում է արդյունավետությունից
Տարեցներն ավելի շատ ազատ ժամանակ են ունենում։ Թե ինչպես այն ծախսել, ամեն մեկն ինքն է որոշում։ Հետազոտությունները ցույց են տալիս, որ թոշակի անցնելուց հետո մարդկանց 24%-ը կամավորական աշխատանքներով է զբաղվում, ինչը հերքում է արդյունավետության նվազման տեսությունը։
Այս ամենը ցույց է տալիս, որ ծերությունն այնքան էլ սարսափելի չէ, այն պարզապես կյանքի այլ փուլ է, ընկալման այլ վեկտորով և ուղեղի այլ ակտիվությամբ, որը կյանքին լրիվ ուրիշ անկյունի տակ նայելու հնարավորություն է տալիս։ Ինչպես տեսնում եք, եթե հոգ տանենք մեր մասին և մեր կողքը շատ հարազատներ ու մտերիմներ ունենանք, ծերությունն առանց խնդիրների և սահմանափակումների կդիմավորենք։