Bravo.am-ը գրում է.
Պարող Վահագն Կիրակոսյանի եւ դերասանուհի Նոննա Գրիգորյանի ընտանիքը 8 տարեկան է: Ամուսնության հոբելյանը զույգը նշել է Միացյալ Նահանգներում: Ուղեւորության լուսանկարները նրանք տրամադրել են BRAVO.am-ին եւ մանրամասներ պատմել:
«Նշում ենք մեր ծանոթության 10 եւ ամուսնության 8 տարին: Պետք է խոստովանեմ՝ չենք փորձել անգամ իրար մեջ ինչ-որ բան փոխել, փոխզիջումների եւ սիրո շնորհիվ հարմարվել ենք իրար: Շատ տարբեր, բայց միեւնույն ժամանակ շատ նման ենք: Երկար լռությունից հետո սկսում ենք նույն բանի մասին խոսել ու ծիծաղում, որ նույն պահին նույն կերպ ենք մտածում»,- պատմել է Նոննան:
Տոնական օրը հրաշալի է անցել.«Չեմ ստի, իրար ռոմանտիկ նվերներ չենք մատուցել, բայց շատ լավ օր էր. մեր ընկերները մեզ համար գեղեցիկ անակնկալ էին պատրաստել, եւ հիանալի ժամանակ անցկացրինք»:
Հաճախ են վիճում եւ շուտ հաշտվում.«Մեր ընտանիքում անախորժությունների պատճառն աշխատանքն է. հաճախ ենք տարակարծիք լինում, վիճում, բայց շուտ հասկանում ենք, որ պետք չէ գործը տուն բերել: Հաշտեցման առաջին քայլը միշտ մեր աղջիկն է անում. նա փափկացնում է ամեն բան, ու շարունակում ենք ընտանեկան ջերմ կյանքով ապրել»,- ասել է Կամերային թատրոնի դերասանուհին:
Ամբողջական հոդվածը կարող եք կարդալ այստեղ
