Բոստոնի Հարվարդի բժշկական դպրոցի հետազոտողները պարզել են, որ միջին տարիքի մարդկանց մոտ մետաբոլիկ համախտանիշը կարող է ուղեղի վաղաժամ ծերացման պատճառ հանդիսանալ: Հետազոտության արդյունքները հրապարակել է MedicalXpress պորտալը:
Մետաբոլիկ համախտանիշը կապված է ճարպակալման, հիպերտոնիայի, արյան մեջ շաքարի և խոլեստերինի բարձր մակարդակի հետ:
Գիտնականները 37-55 տարեկան ավելի քան 2100 տղամարդկանց և կանանց ՄՌՏ սկանավորում են իրականացրել, ինչպես նաև մասնակիցներին տրամաբանական մտածողության թեստեր են առաջարկել:
Արդյունքում պարզվել է, որ մետաբոլիկ համախտանիշ ունեցողների ուղեղը, բացարձակապես առողջ մարդկանց համեմատ, ավելի փոքր չափեր ունի:
Բժիշկների խոսքերով՝ այդպիսի մարդկանց մոտ ավելի մեծ է քաղցկեղի, թուլամտության կամ Ալցհայմերի հիվանդության զարգացման վտանգը:
Մետաբոլիկ համախտանիշից խուսափելու համար հետազոտողները խորհուրդ են տալիս հետևել հատուկ սննդակարգի, որը ներառում է ձուկ, մրգեր, բանջարեղեն և ամբողջական ձավարեղեն: Արդյունավետ է նաև ֆիզիկական ծանրաբեռնվածությունը:
