Newarmenia.am-ը գրում է.

ՀՀ կադաստրի պետական կոմիտեի նախկին նախագահ Սարհատ Պետրոսյանը Newarmenia.am-ի հետ զրույցում անդրադարձավ և՛ քաղաքաշինական խնդիրներին, և՛ իր հրաժարականին հետևած աղմուկին։

Ըստ նրա՝ քաղաքաշինությունը մեզանում դարձել է շինարարություն, և ամբողջ գործընթացն այդտեղ շղթայական է գործում։ «Այս ոլորտում 20 տարվա մեր սխալները, չասեմ միլիարդավոր, բայց և հարյուր միլիոնավոր դոլարներ է արժենալու։ Հատկապես դա վերաբերում է տրանսպորտի խնդրին»,- ընդգծեց նա։ Ի դեպ, նոյեմբերրի 20-ին ՀՀ ոստիկանության 6-րդ վարչության աշխատակիցն այցելել է Սահրատ Պետրոսյանի տուն։ Նա այդ ժամանակ տանը չի եղել։

«Իմ հայտարարությունների հիման վրա մեկ այլ կազմակերպություն հայտարարություն է արել` ասելով, որ իմ հայտարարությունների մեջ կան պատժել գործողություններ, որի հիման վրա էլ իրավապահ մարմինները եկել են մեր տուն։ Հայտարարություններս կապված էին Ավետիք Էլոյանի հետ։ Ես գիտակցված եմ արել այդ հայտարարությունները` հստակ իմանալով, որ իմ հայտարարությունները հնարավոր է վիճարկվեն դատարանում, որ ոստիկանության 6֊րդ վարչության աշխատող կգա, ու իմ ընտանիքի հանգիստը կխանգարի, ինչպես որ դա եղավ երեկ։ Ես տանը չեմ եղել, սակայն իմ ընտանիքի անդամներն այդ սթրեսը տարել են, բայց դա կարևոր չէ․ մենք սթրես ենք ունեցել 2018թ, որ մեր երեխաները լավ երկրում ապրեն։ Իմ հնչեցրած բոլոր բառերի համար կան փաստեր»,- նշեց նա։

Պարոն Պետրոսյանի խոսքով՝ բոլորը գիտեն, որ ինքն է խորհուրդ տվել, որ Էլոյանին ներգրավեն Կառավարության քաղաքաշինական գործընթացների մեջ։ «Ինձ համար հաճելի չէ, երբ մի մարդու հետ ճանապարհ ես անցնել, հիմա նման գործընթացների մեջ ես ներգրավում»,- ափսոսանք հայտնեց նա։

Ինչ վերաբերում է քաղաքականության մեջ ներգրավելուն, ավելի կոնկրետ՝ «Վերնատուն» հասարակական-քաղաքական հարթակին մասնակցելուն, ապա Սահրատ Պետրոսյանի վստահեցմամբ՝ կանխատեսելի ապագայում չի պատրաստվում հարել որևէ քաղաքական ուժի։

«Ինչ վերաբերում է «Վրենատանը», ապա ես չեմ կիսում այդ հարթակի տեսալականը, թեև խորը հարգանք ունեմ կնոջս հոր՝ Վազգեն Մանուկյանի նկատմամբ»,- ավելացրեց նա։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել