Bravo.am-ը գրում է.

Աշոտ Տեր-Մաթեւոսյանին եւ Սոֆյա Պողոսյանին հեռուստադիտողը շուտով կրկին հնարավորություն կունենա տեսնել նույն նախագծում: «Արմատներ»՝ այսպես է կոչվում նոր սերիալը, որի նկարահանումներն արդեն 15 օր է, ինչ սկսվել են, իսկ դերասաններն օրուգիշեր անցկացնում են նկարահանման հրապարակում՝ չխնայելով ջանք ու եռանդ, որպեսզի տեղ հասցնեն այն կարեւոր գաղափարը, որը կրում է իր մեջ նախագիծը: Նշենք, որ Աշոտ Տեր-Մաթեւոսյանը հանդես է գալիս ոչ միայն որպես դերասան, այլեւ սերիալի ռեժիսորն է: BRAVO.am-ն օրերս այցելել է նկարահանման հրապարակ, լուսանկարել աշխատանքային ընթացքը եւ մանրամասներ ճշտել:

«Արդեն երկրորդ նախագիծն է, որում հանդես եմ գալիս որպես ռեժիսոր: (Առաջինը «Քեզ հետ ու առանց քեզ» սերիալն էր,-հեղ.): Անչափ ծանրաբեռնված ենք, կարելի է ասել՝ անգամ տուն չենք գնում, սակայն յուրաքանչյուր նախագծի հիմքը պետք է կայուն ու շատ լավ դրվի»,-մեզ հետ զրույցում նշել է Աշոտը եւ հավելել, որ միշտ էլ սկզբում լինում են բարդություններ ու դժվարություններ, սակայն ժամանակի ընթացքում նկարահանող խումբն ու դերասանները, աստիճանաբար սկսելով հասկանալ միմյանց լեզուն, հունի մեջ են ընկնում, ընտելանում են իրար, եւ ապա ամեն ինչ հարթ է ընթանում:

Ամբողջական հոդվածը կարող եք կարդալ այստեղ

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել