Մոսկվայի արևմտյան հատվածում ուղևորատար ավտոբուսը տարեց կնոջ է վրաերթի ենթարկել: Ինչպես փոխանցում է tvzvezda.ru-ն, միջադեպը տեղի է ունեցել ակադեմիկոս Պավլովի անվան փողոցում:
Նախնական տվյալներով՝ ավտոբուսի վարորդն ուղևորներին իջեցնելուց հետո գնացել է ստուգելու սրահը՝ առանց գործարկելու տրանսպորտային միջոցի ձեռնարգելակի լծակը:
Այն պահին, երբ տրանսպորտային միջոցն սկսել է առաջ ընթանալ, ավտոբուսի դիմացով անցնելիս է եղել տարեց կինը՝ երեխայի ձեռքից բռնած: Արդյունքում կինը հայտնվել է ավտոբուսի անիվների տակ: Նրան հոսպիտալացրել են ծանր վիճակում՝ ողնաշարի կոտրվածքով: Վերջինս մահացել է վերակենդանացման բաժանմունքում: Երեխան չի տուժել:
Նշվում է, որ վարորդին ձերբակալել են, կատարվածի հանգամանքները պարզվում են:
Զգուշացում. տեսանյութում դաժան կադրեր կան:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել