Ֆրանսիայում ձերբակալվել են երկու տղամարդիկ, որոնք կասկածվում են նախագահ Էմանուել Մակրոնի դեմ «ահաբեկչական հանցավոր դավադրության» մեջ՝ Առաջին աշխարհամարտի ավարտի 100-ամյակի օրը Փարիզում անցկացվող տոնակատարության ժամանակ:

Franceinfo-ի փոխանցմամբ, կալանավորումը տեղի է ունեցել նոյեմբերի 11-ին Ֆրանսիայի հյուսիս-արևելյան Մոզել դեպարտամենտում:

Ոստիկանությունը ծայրահեղ աջ խմբակցությունների կողմից Ֆրանսիայի նախագահ Էմանուել Մակրոնի տապալման ծրագրի հետաքննություն է անցկացնում:

Պարբերականի տվյալների համաձայն, ենթադրվում է, որ 30-45 տարեկան երկու կասկածյալները նախատեսում էին 2018-ի նոյեմբերին Առաջին աշխարհամարտի ավարտի 100-ամյակի տոնակատարության ժամանակ հարձակում իրականացնել Ֆրանսիայի նախագահի վրա:

Այժմ կասկածյալները սպասում են քննիչ դատավորի կողմից մեղադրանքների առաջադրմանը: Ազգային հակաահաբեկչական կենտրոնն ավելի վաղ պահանջել էր նրանց նախնական կալանքի տակ վերցնել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել