Պարզվում է՝ ատամները մարդու բնական «հիվանդության պատմությունն» են

Կանադացի գիտնականները պարզել են, որ մարդու առաջին մշտական ատամները կարող են տեղեկություններ պահպանել նրա առողջության, ինչպես նաև մոր առողջության մասին հարյուրամյակների ընթացքում՝ հայտնում է American Journal of Physical Anthropology-ն։

Գիտնականները ենթադրում են, որ ատամի մեջ մարդու առողջության մասին տեղեկատվության պահպանման մեջ գլխավոր դեր ունի ամենաամուր հյուսվածքը՝ դենտինը: Այն զարգանալուն համապատասխան գոյանում են մանրադիտակային շերտեր, ինչպես ծառերի օղակները:

Այս շերտերի ձևավորումը կախված է վիտամին D-ի քանակից: Եթե մարդու զարգացման որոշակի ժամանակահատվածում օրգանիզմում պակասում է այս վիտամինը, ապա այդ շերտը բարակ և մուգ է: Նման մուգ շերտերը, ըստ հետազոտողների, վկայում են երեխայի կամ նրա մոր առողջության վերաբերյալ հնարավոր սպառնալիքի մասին: