Ամերիկյան Վիրջինիա նահանգի բնակիչ Մեթյու Հաուզերը, ով տառապում էր վտանգավոր մակարդակի ճարպակալմամբ, հոսպիտալացվելուց հետո իմացել է, որ իրեն մնացել է 6 ամսվա կյանք: Այս մասին գրում է mirror.com-ը:
Լուրը իմանալու պահին ամերիկացու քաշը կազմում էր 363 կիլոգրամ:
«Փաստացիորեն ես գտնվում էի մահվան եզրին: Մտածում էի՝ վերջ, կարելի է պատրաստվել թաղմանը»,-ասել է Հաուզերը:
Դրանից անցել է արդեն 3 տարի և Մեթյուի որոշ ազգականներ անգամ չեն ճանաչում նրան: Նա նիհարել է 240 կգ-ով և չի պատրաստվում կանգ առնել: Իր հաջողություններով նա կիսվում է սոցիալական ցանցերում, որպեսզի օգնի այն մարդկանց, ովքեր հիասթափվել են ճարպակալման դեմ պայքարում:
«Ես պառկած էի հիվանդասենյակում և հանկարծ իմ գլխում ինչ-որ բան լուսավորվեց: Ես ինքս ինձ ասացի, որ ինչ որ բան պիտի անեմ, պետք է փոխեմ իմ կյանքը»:
Մեթյուն ավելորդ քաշի հետ խնդիրներ է ունեցել դեռ մանկուց, բայց սկսել է պայքարել դրա դեմ միայն վերջերս: Շաբաթական 6 անգամ երկու ժամով մարզումները տվել են իրենց ցանկալի արդյունքը:
