Bravo.am-ը գրում է.
Երիտասարդ դերասանուհի, ով իրեն այս շրջանում ամբողջովին նվիրել է թատրոնին, ինչն էլ հնարավորություն է տալիս իրեն անդադար ստեղծագործել ու վայելել դրա բերկրանքը: Ցողիկ Մարտիրոսյանը տարբերվում է ներկայացումներում համարձակ կերպարներով, ֆոտոօբյեկտիվի առջեւ նույնպես ազատ է: Նա 2 նոր ֆոտոշարք ունի, որոնք տրամադրել է BRAVO.am-ին, խոսել կերպարների, քննադատությունների, նաեւ ընտանիքի արձագանքի մասին:
Նախ հետաքրքրվել ենք՝ ինչպիսին է այսօր դերասանուհու առօրյան.«Աշունն ինձ համար անձրեւ է ու թախիծ: Պատկերացնում եմ դրսում գույնզգույն տերեւները գետնին թափված, իսկ ես տանը թեյ եմ խմում ու ֆիլմ դիտում: Անձրեւից ոգեշնչվում եմ եւ սկսում ինչ-որ բաներ գրել ու խզբզել: Ի դեպ, թեյի ու սուրճի հարցում ագահ եմ, կարեւորը՝ դառը: Իրականում, այս եղանակին կցանկանայի միայն պատուհանից դուրս նայել, վայելել ու ստեղծագործել, սակայն աշխատանքի բերումով չի ստացվում տանը նստել»,-ասել է դերասանուհին եւ ապա նշել, որ իր ամենասիրելի եղանակը գարունն է.«Քանի որ չափազանց շատ եմ սիրում ծաղիկներ, այդ իսկ պատճառով գարունն ինձ համար ուրիշ աշխարհ է: Նոր բույրեր եմ զգում ու խորհրդավորություն տեսնում գարնանը»:
Ցողիկը լուսանկարահանումների սիրահար է.«Հաճախ եմ իրականացնում ֆոտոշարքեր, սակայն ոչ թե Ինստագրամի եւ Ֆեյսբուքի էջերս զարդարելու, այլ ինձ համար: Փորձում եմ ամեն անգամ ստանալ նոր ու հետաքրքիր կերպարներ, հագուստս ու տեսքս ես եմ որոշում՝ ինչպիսին լինի, խորհրդակցում եմ ամենատարբեր լուսանկարիչների հետ եւ լուսանկարվում»:
Ամբողջական հոդվածը կարող եք կարդալ այստեղ
