Ինչպես հայտնի է դարձել New York Times թերթին, ԱՄՆ նախագահ Դոնալդ Թրամփը պատրաստվում է Սիրիայի Արաբական Հանրապետության արևելքում ամերիկյան զինծառայողների ոչ մեծ խումբ թողնել՝ «Իսլամական պետություն» ահաբեկչական կազմակերպության դեմ պայքարելու համար:
Այս մասին պարբերականին պատմել է ամերիկյան բարձրաստիճան պաշտոնյան:
Նրա տեղեկությունների համաձայն՝ Սպիտակ տան ղեկավարն անցյալ շաբաթվանից մտածում է այն հարցի շուրջ, որ հատուկ նշանակության ջոկատի մոտ 200 զինվորներ թողնի Սիրիայի հյուսիս-արևելքում՝ ահաբեկչության դեմ պայքարելու համար: Ամերիկյան զինծառայողներն ամենայն հավանականությամբ կգտնվեն Իրաքի հետ սահմանի երկայնքով, անվտանգության գոտու սահմաններից դուրս, որի շուրջ պայմանավորվածություն ունեն ԱՄՆ փոխնախագահ Մայք Փենսն ու թուրքական առաջնորդ Ռեջեփ Թայիփ Էրդողանը:
Միացյալ նահանգներն ուզում են օգնել նաև քրդերին՝ իրենց վերահսկողության տակ թողնելու արևելքում գտնվող նավթահանքերը, նշում է պարբերականը: