Որքան էլ լավ մաքրեք ձեր լվացարանը կամ վաննան, դեղին նստվածքները կարող են հայտնվել: Ու թեև կենցաղային քիմիայի շուկան բազմաթիվ միջոցներ է առաջարկում, հաճախ դրանք չեն լուծում իրենց առաջադրված խնդիրը:
Ձեզ ենք ներկայացնում մի քանի կախարդական միջոց
Ինչպես ազատվել ժանգոտ նստվածքից
Երբեմն դուք անհարմար եք զգում, երբ հյուրերը տեսնում են ձեր վաննայի դեղին հետքերը:
Որտեղի՞ց է հայտնվում այդ ժանգը: Կա երկու տարբերակ՝ կա՛մ ձեր սանտեխնիկան է սկսել ժանգոտվել, կա՛մ ջուրը շատ երկաթ է պարունակում, և այն առաջանում է ջրի կուտակման վայրերում:
Տարբերակ 1
Անհրաժեշտ բաղադրիչներ
- Ջրածնի պերօքսիդ
- Անուշադրի սպիրտ
Պատրաստման եղանակը
Խառնեք հավասար քանակությամբ և քսեք «պրոբլեմատիկ» տեղերին: Մի քանի րոպե անց մաքրեք: Արդյունքը կզարմացնի ձեզ:
Տարբերակ 2
Անհրաժեշտ բաղադրիչներ
- Գինու քացախ
- Կերակրի աղ
Պատրաստման եղանակը
100 գրամ քացախի մեջ ավելացրեք մի քանի գդալ աղ, տաքացրեք և քսեք այն հատվածներին, որը ցանկանում եք մաքրել: Թողեք մի քանի րոպե, ապա մաքրեք կտորով:
