«Ժամանակ» թերթը գրում է.
«ԱԱԾ նախկին տնօրեն Արթուր Վանեցյանի «պայմանավորվածությունները» թանկ են նստում բյուջեի վրա։ Մենք անդրադարձել էինք Երևանի մետրոպոլիտենի գործին և այն «ջրելու» հարցում Վանեցյանի դերակատարությանը։
Մեզ հասած տեղեկություններով՝ նույն ճակատագրին է արժանացել նաև «Նորֆոլկ» ընկերության գործը, որը հեղափոխությունից անմիջապես հետո մեծ աղմուկով բացահայտեց ԱԱԾ-ն։ Գործի շրջանակում նախապես հայտարարվեց 7 միլիոն դոլարի մասին, որը պետք է աճման միտում ունենար։
Մեր տեղեկություններով, սակայն, 7 միլիոն դոլարի ակտը դարձել է 1-2 միլիոն, իսկ կազմակերպության ղեկավարությանը զգուշացվել է, որ չզարմանան և հանգիստ տանեն լուրերով հայտարարվելիք բազմամիլիոն վերականգնումների մասին»։
Առավել մանրամասն՝ թերթի այսօրվա համարում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
