Որպես նյութե բանական գոյ, 
Ցեղիս ոգու ծնունդն եմ ես:
Մայր բնության ծլի նման,
Ցեղից անմաս հյուլեն եմ ես: 
Որպես մտքի արարող ուժ, 
Ցեղիս լուսե ճակատն եմ ես: 
Գիր-դպրություն պահող-ստեղծող, 
Լույսիդ անմար հուր-ջահն եմ ես: 
Որպես զենքի ուխտյալ մարտիկ, 
Ցեղիս տերն ու ստրուկն եմ ես: 
Գոյության մեր սուրբ կռվի, 
Վճռական բոց-կրակն եմ ես: 
Որպես ապրող ազգային տեսակ, 
Ցեղիս արյան կրողն եմ ես: 
Մեր տեսակին հավատարիմ, 
Արյունապաշտ զավակն եմ ես: 
Որպես մասնիկ մեր ինքնության, 
Ցեղիս անվան պաշտպանն եմ ես: 
Հայ կոչումը սրտիս զարկած, 
Հայրենապաշտ որդին եմ ես:

 Գուրգեն Հարությունյան

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել