Ռեփեր Քանյե Ուեսթի 38-ամյա կինը բժիշկներից անմխիթարական ախտորոշում է իմացել: Քիմ Քարդաշյանի մոտ կարմիր գայլուկ են հայտնաբերել։
Աստղային ընտանիքի երկրպագուները սպասում էին Keeping Up With The Kardashians ռեալիթի շոուի նոր սեզոնի պրեմիերային: Այս անգամ դրամայի մակարդակը հասցված էր սահմանին: Քիմ Քարդաշյանը խոստովանել է, որ առողջական լուրջ խնդիրներ ունի։
Աստղը բողոքել է մորը՝ Քրիս Ջեներին, քրոնիկ հոգնածության մասին: Քիմը պատմել է, որ իր ձեռքերը հաճախ թուլանում են, հոդերը այտուցվում են, և քոր է առաջանում: «Առավոտյան արթնացա, ձեռքերս թմրել էին: Նրանք չէին հնազանդվում ինձ: Ես չէի կարողանում բարձրացնել ատամի խոզանակս, ես չէի կարող ամրացնել կրծկալս: Դա իսկապես սարսափելի էր»,- ասել է Քիմը: Քարդաշյան-Ջեներ ընտանիքի անհանգստացած մեծը խորհուրդ է տվել դստերը անալիզներ հանձնել։
Քիմի 35-ամյա քույրը՝ Քլոեն, տարել է Քիմին ռևմատոլոգի հետ հանդիպման Բևեռլի Հիլզում: Դոկտոր Դանիելը հետազոտություն նշաակեց։ Ռեալիթի շոուի եթերում ցույց տվեցին այն պահը, երբ Քիմբերլիի վախերը հաստատվեցին: Նա նստած էր բազմոցին և զրուցում էր քրոջ՝ Քայլի Ջեների հետ: Բժիշկը զանգահարում է նրան և ասում, որ թեստերը հաստատում են լյուպուսի և ռևմատոիդ արթրիտի առկայությունը: Քիմը չի կարողացել զսպել իր հույզերը և լաց է եղել ուղիղ եթերում։
