Armsport.am-ը գրում է.
Հայաստանի ազգային հավաքականի և «Ռոմայի» կիսապաշտպան Հենրիխ Մխիթարյանն ArmSport-ի հարցման արդյունքներով ձայների ճնշող մեծամասնությամբ ճանաչվել է Եվրո-2020-ի ընտրական փուլի՝ Բոսնիա և Հերցեգովինայի հետ խաղի լավագույն ֆուտբոլիստ:
Քվեարկությանը մոտ 1100 օգտատեր է մասնակցել. Մխիթարյանը ստացել է 840 ձայն (78.2 %):
Երկրորդ լավագույն արդյունքը գրանցել է մեր ընտրանու դարպասապահ Արամ Հայրապետյանը, որի օգտին 169 օգտատեր է քվեարկել (15.7 %): Եռյակը եզրափակում է երրորդ գոլի հեղինակ Հովհաննես Համբարձումյանը՝ 24 ձայնով (2.2 %):
Նշենք՝ 17 ձայն է ստացել Տիգրան Բարսեղյանը, քիչ քանակությամբ ձայներ ունեն նաև Կամո Հովհաննիսյանը, Սարգիս Ադամյանը, Գևորգ Ղազարյանը և Կառլեն Մկրտչյանը:
Հենրիխ Մխիթարյանը, որն անցկացրեց, թերևս, իր լավագույն խաղերից մեկն Ազգային հավաքականի մարզաշապիկով, Բոսնիայի հետ խաղում դարձավ դուբլի և մեկ գոլային փոխանցման հեղինակը:
Հենրիխի ակտիվում նաև 6 առանցքային փոխանցում կա: Մեր ավագը, մասնակցելով ամբողջ խաղին, 4 հարված է կատարել դարպասին:
Հայաստանի հավաքականի պատմության լավագույն ռմբարկուն երեկվա խաղից հետո իր գոլերի թիվը հասրեց 29-ի:
