Armsport.am-ը գրում է․
Ճապոնական «Սագան Տոսու» ֆուտբոլային ակումբի իսպանացի հարձակվող Ֆերնանդո Տոռեսը վերջին հանդիպումն անցկացրեցֆուտբոլիստի պրոֆեսիոնալ կարիերայում:
«Սագան Տոսին» տնային խաղում 1-6 հաշվով պարտվեց «Վիսել Կոբեին», որի կազմում հանդես են գալիս իսպանական «Բարսելոնայի» նախկին ֆուտբոլիստներ Անդրես Ինիեստան, Դավիդ Վիլյան և Թոմաս Վերմալենը:
Կատալոնացիների նախկին ավագ և կենդանի լեգենդ Անդրես Ինիեստան 11-մետրանոց հարվածից դարձավ գոլի հեղինակ:
35-ամյա Տորեսը մեկնարկային կազմում էր և խաղադաշտում անցկացրեց ամբողջ հանդիպումը, սակայն չկարողացավ աչքի ընկնել արդյունավետ գործողություններով:
Ավելի վաղ Տոռեսը հանդես է եկել իսպանական «Աթլետիկոյում», անգլիական «Լիվերպուլում» և «Չելսիում», ինչպես նաև իտալական «Միլանում»: «Չելսիի» կազմում նա դարձել է Չեմպիոնների լիգայի (2011/12), Եվրոպայի լիգայի (2012/13) հաղթող և Անգլիայի գավաթակիր (2011/12): «Աթլետիկոյի» հետ Տոռեսը հասել է Չեմպիոնների լիգայի եզրափակիչ (2015/16) և նվաճել Եվրոպա լիգայի գավաթը (2017/18):
Իսպանիայի հավաքականի կազմում հարձակվողը նվաճել է Աշխարհի առաջնության ոսկե մեդալը (2010) և երկու անգամ դարձել Եվրոպայի չեմպիոն (2008, 2012):
Իսպանացի ֆուտբոլիստը ակումբային մակարդակով անց է կացրել 715 հանդիպում և խփել է 255 գնդակ եւ կատարել 73 գոլային փոխանցում: Ազգային հավաքականի կազմում Էլ Նինյոն 110 խաղում իր հաշվին գրանցել է 38 գնդակ: