Ամռանը կարևոր է հետևել ձեռքերի խնամքին, քանի որ մաշկը մշտապես գտնվում է արևի վնասակար ճառագայթների ազդեցության տակ, ինչից չորանում ու ծերանում է: Ձեզ հետ մշտապես ունեցեք ձեռքի քսուք: Շաբաթը 2-3 անգամ սքրաբով ձեռքերի մաշկից հեռացրեք մեռած բջիջները:
Սքրաբ կարելի է պատրաստել նաև տնային պայմաններում: Առաջարկում ենք մի քանի բաղադրատոմս, որոնց կիրառման դեպքում ձեռքերի մաշկը թավշյա ու գեղեցիկ կլինի:
Կաթնաշոռով և նուշով սքրաբ
2 ճաշի գդալ կաթնաշոռին ավելացնել 1 ճաշի գդալ կաթ, 1 գդալ մեղր, 1 թեյի գդալ մանրացված նուշ:
Խառնել այս ամենը և անմիջապես քսել ձեռքերին ու մերսել, թողնել 5-10 րոպե, լվանալ տաք ջրով ու քսել ձեռքի սնուցող քսուք:
Սուրճով և մեղրով սքրաբ
2 ճաշի գդալ աղացած սուրճին ավելացնել 1 ճ. գդ. մեղր, մի քանի կաթիլ եթերային յուղ:
Սքրաբը քսել ձեռքերին, մերսել և հագնել ռետինե ձեռնոցներ, թողնել 5-10 րոպե:
Վարսակով և մեղրով սքրաբ
3 ճ. գդ. վարսակի փաթիլներին ավելացնել 2 գդ. մեղր, մի քանի կաթիլ կիտրոնի հյութ:
Վարսակը անհրաժեշտ է մանրացնել բլենդերի կան սրճաղացի միջոցով, ավելացնել մյուս բաղադրիչները: Մերսող շարժումների օգնությամբ քսել ձեռքերին, լվանալ տաք ջրով և սնուցեղ քսուք քսել:
