Իրանի հարավ-արևելյան նահանգներում ավազային փոթորկի պատճառով առաջացրած բարդացումների հետևանքով շուրջ 465 մարդ օգնության համար դիմել է բուժհաստատություններ: Այս մասին հայտնում է «ՌԻԱ Նովոստի»-ն:

Տարածաշրջանում փոթորիկն առաջացել է մի քանի օր առաջ: Որոշ քաղաքներում քամու արագությունը հասել է 70 կմ/ժ-ի: Տեսանելիությունը եղել է 600 մետր:

Իշխանությունների տվյալներով՝ բուժհաստատություն դիմած 465 անձանցից 127-ը հոսպիտալացվել են: Նրանք մեծամասամբ բողոքներ են ունեցել տեսողության, շնչառության և սրտի աշխատանքի հետ կապված:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել