Bravo.am-ը գրում է.
Դերասան Դավիթ Գրիգորյանն ու կինը՝ Մանու Ալավերդյանն այս օրերին վայելում են Եվրոպան: Այնտեղի մշակույթը, ճարտարապետությունն ու մարդկանց գեղեցիկ ապրելու արվեստն ամեն անգամ ամուսիններին կանչում են իրենց գիրկը:
Իտալիա, Իսպանիա, Ֆրանսիա, Շվեյցարիա ու Լեհաստան՝ այս երկրներում է զույգն անցկացնում իր ամառային արձակուրդները:
«Այս պահին հասցրել ենք մոտ 25 քաղաքում լինել: Ճանապարհորդում ենք ավտոմեքենայով ու խելագար ռիթմի մեջ փորձում հնարավորինս շատ բան տեսնել»,- BRAVO.am-ին պատմել է Դավիթը՝ նշելով, որ տպավորությունները ֆանտաստիկ են, բավարարվածության մեծ զգացողությամբ են վերադառնալու:
«Սիրում եմ Եվրոպան, ինձ դուր է գալիս այստեղի համակարգվածությունը, ճշգրտությունը, այն, որ մարդիկ գիտեն՝ ինչպես երջանիկ ապրեն: Իտալիան, Իսպանիան իր ջերմությամբ շատ նման են մեր երկրին, կուզենայի՝ ժամանակի ընթացքում մենք էլ կարողանայինք սովորել նրանց նման գեղեցիկ ապրել:
Շատ տպավորված ենք Շվեյցարաիայով, որտեղ առաջին անգամ էինք այցելել: Տպավորություն է՝ Արարիչը հենց այնտեղ է որոշել, թե ինչ տեսք պետք է ունենան կանաչը, սարերը, ինչ ջեմաստիճանի պետք է լինեի եղանակը, եւ այլն: Աննկարագրելի գեղեցիկ է այնտեղ ամեն ինչ»:
Ամբողջական հոդվածը կարող եք կարդալ այստեղ
