Ուելսի իշխանությունները աշխատանք փնտրող երիտասարդներին խորհուրդ են տվել զբաղվել «մեծահասակների համար» ինդուստրիայով:
Ինչպես գրում է բրիտանական The Daily Mirror-ը, խորհուրդներն այն մասին, թե ինչպես վաստակել սեքսի միջոցով, հայտնվել են բիզնեսի մասին պատմող Business Wales կայքում, որը ստեղծվել է Ուելսի կառավարության աջակցությամբ:
Տեղի ունեցածի հետ կապված՝ Ուելսի առաջին նախարար Քարուին Ջոնսը հրամայել է հետաքննություն սկսել: Տվյալ պահին ինտիմ ծառայությունների ոլորտում աշխատանքի վերաբերյալ տեղեկությունը կայքից հեռացվել է;
Հաղորդվում է, որ կայքում տեղեկություններ են եղել մերկապարով զբաղվելու վերաբերյալ: Տեքստի հեղինակներն ընդգծել են, որ դա կարող է դառնալ շատ եկամտաբեր գործ: Միջինը, ինչպես նշված է հոդվածում, պարուհին 1 երեկոյի համար կարող է վաստակել մինչև 232 ֆունտ սթեռլինգ, իսկ տարեկան հաշվարկով՝ 24-48 հազար ֆունտ սթեռլինգ:
Ընդդիմության ներկայացուցիչները բողոքել էին երիտասարդներին նման խորհրդատվություն տալու դեմ։
