Forbes ամսագրի ռուսական տարբերակը հրապարակել է Ռուսաստանում «Շոու բիզնեսի և սպորտի ամենահաջողակ աստղերը - 2019. 40-ից երիտասարդ» վարկանիշը:
Մինչև 40 տարեկան 40 ամենահաջողակ ռուսաստանցիների վարկանիշում հայտնվել են նաև սպորտի և շոու-բիզնեսի հայկական ծագումով գործիչներ:
Թենիսի համաշխարհային վարկանիշում 11-րդ տեղը զբաղեցնող Կարեն Խաչանովը այս վարկանիշում 20-րդ հորիզոնականում է՝ 4.1 միլիոն դոլար կարողությամբ:
22-րդ տեղը զբաղեցրել է շոումեն և դերասան Միխայիլ Գալուստյանը, որի եկամուտները կազմում են 2.2 մլն դոլար, իսկ Instagram-ում հետևորդների թիվը՝ 10 մլն:
Միխայիլ Գալուստյանն ընդգրկվել է նաև մեկ այլ՝ 2019-ի «40-ից երիտասարդ ամենահաջողակ կոմիկների» վարկանիշում: Դերասանը վարկանիշում հումորի չորս ներկայացուցիչներից մեկն էր Պավել Վոլյայի, Գարիկ Խառլամովի և Սեմյոն Սլեպակովի հետ:
«Շոու բիզնեսի և սպորտի ամենահաջողակ աստղերը - 2019. 40-ից երիտասարդ» վարկանիշի վերջին հորիզոնականում է հայկական ծագումով ռուսաստանցի գեղասահորդուհի Եվգենիա Մեդվեդևան (Բաբասյան)՝ 700 հազար դոլար կարողությամբ:
