Կնոջ բույրը նրա զարդն ու զենքն է տղամարդկանց գերելու համար։ Հաճելի բույրը գրավում և արբեցնում է, նրան ամենուր ուզում ես հետևել։

Այսօր օծանելիքների պատրաստման մի քանի բաղադրատոմս ենք առաջարկում, որոնք կարելի է ինքնուրույն պատրաստել, առանց սպիրտի և կոնսերվանտների։

Օծանելիք «Եվա»

Անհրաժեշտ բաղադրիչներն են

  • 10 մլ ժոժոբայի յուղ
  • 10 մլ նուշի յուղ
  • 2 կաթիլ վարդի եթերայուղ
  • 3 կաթիլ աղավնարոտի եթերայուղ
  • 3 կաթիլ իլանգ–իլանգի եթերայուղ
  • 3 կաթիլ հասմիկի եթերայուղ
  • 3 կաթիլ պաչուլիի եթերայուղ
  • 8 կաթիլ սանդալի եթերայուղ

Պատրաստման եղանակը

Վերցրեք սրվակը, որի մեջ խառնելու եք յուղերը և պահելու եք օծանելիքը։ Այստեղ ժոժոբայի և նուշի յուղերը բազային են։ Նրանք են հիմքը, որի վրա ավելացվելու են եթերայուղերը։

Սկզբում խառնեք ժոժոբայի և նուշի յուղերը, հետո՝ վարդի եթերայուղը և մնացածը։ 30 վայրկյան թափ տվեք սրվակը։ Ամեն մի եթերայուղ ավելացնելուց հետո կես րոպե թափ տվեք սրվակը։

Օծանելիք «Գրավչություն»

Անհրաժեշտ բաղադրիչներ

  • 15 մլ ժոժոբայի յուղ
  • 15 մլ նուշի յուղ
  • 14 կաթիլ վարդի եթերայուղ
  • 4 կաթիլ լիմոնի եթերայուղ
  • 14 կաթիլ ներոլիի եթերայուղ
  • 3 կաթիլ աղավնարոտի եթերայուղ
  • 3 կաթիլ մեխակի եթերայուղ
  • 7 կաթիլ իլանգ–իլանգի եթերայուղ

Պատրաստման եղանակն անփոփոխ է մնում։

Օծանելիք «Գերող անծանոթուհին»

  • 20 մլ ժոժոբայի յուղ
  • 2 կաթիլ բերգամոտի եթերայուղ
  • 2 կաթիլ ներոլիի եթերայուղ
  • 4 կաթիլ լիմոնի եթերայուղ
  • 4 կաթիլ մելիսայի եթերայուղղ
  • 4 կաթիլ վարդի եթերայուղ

Օծանելիքներից ամեն մեկի բույրը համապատասխանում է անվանմանը։

Պատրաստի օծանելիքը օգտագործելուց հետո փակ պահեք։ Այսպես նրանք երկար կդիմանան՝ մինչև մեկ տարի։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել