European Journal of Social Psychology-ում գիտնականները հրապարակել են մի հետազոտություն, որտեղ ասվում է, թե ամռանը մարդիկ ավելի նյարդային են, քան մնացած եղանակների ժամանակ:
Այս հետազոտության ընթացքում 3 փորձ է կատարվել, որտեղ հետազոտվել են մարդու տրամադրությունը, էմոցիաներն ու վարքագիծը:
Առաջին շրջանում հետազոտությանը մասնակցել են վաճառականները, ովքեր արևի տակ ավելի շատ են լինում: Գիտնականները պարզել են, որ տապի ժամանակ վաճառողները սպասարկելու քիչ հակվածություն ունեն:
Դրանից հետո 160 հոգու բաժանել են 2 խմբի, որոնցից առաջինին ասել են, որ փակեն աչքերը և հիշեն, թե ինչ տհաճ է արևի տակ աշխատելը: Նույնիսկ սա կրճատել է աշխատելու ցանկությունը:
3-րդ փուլում 73 ուսանողի ստիպել են, որ 26,7 կամ 20,6°C-ի պայմաններում լեկցիա լսեն: Պարզվել է, որ ուսանողները նույնպես արևից չեն կարողացել ընկալել դասախոսի ասածը:
Գիտնականներից մեկը նշում է, որ տապն ազդում է մարդկանց աշխատունակության վրա և հորդորում գործատուներին, որ ապահովեն հարմար ջերմաստիճան:
