Tert.am-ը գրում է.
Նիկոլ Փաշինյանը և Եվրոպական խորհրդի նախագահ Դոնալդ Տուսկը այսօր տեղի ունեցած հանդիպումից հետո կառավարությունում հանդես եկան հայտարարություններով։
Վարչապետ Նիկոլ Փաշինյանն իր հայտարարության մեջ նշեց. «Անչափ ուրախ եմ ողջունել նախագահ Տուսկին Հայաստանում: Կարճ ժամանակահատվածում մի քանի անգամ առիթ եմ ունեցել հանդիպել նրա հետ, տպավորիչ են եղել շփումները՝ անցնելով կառուցողական և բարեկամական երկխոսության մթնոլորտում: Այսօր ևս մենք ունեցանք շատ արդյունավետ քննարկում՝ անդրադարձանք ՀՀ և ԵՄ հարաբերություններին վերաբերող հարցերի լայն շրջանակի, մտքերի փոխանակում ունեցանք քաղաքական և ճյուղային՝ այսպես կոչված «սեկտորալ» համագործակցությանը, ինչպես նաև Հայաստանի ներքին կյանքին և տարածաշրջանային զարգացումներին վերաբերող հարցերի շուրջ:
Ես վերահաստատեցի օրենքի գերակայության և ժողովրդավարության ամրապնդման, ինչպես նաև կոռուպցիայի դեմ պայքարի՝ Հայաստանի իշխանությունների որդեգրած հանձնառությունը: Հանդիպման ընթացքում ես խոսեցի Հայաստանում իրականացվող բարեփոխումների մասին՝ հիշատակելով անկախ դատաիրավական համակարգ կառուցելու մեր ներկայիս ջանքերը: Ընդգծեցի, որ այդ առումով Հայաստանը մեծապես կարևորում է եվրոպական հաստատությունների՝ այդ թվում ԵՄ աջակցությունը և հայտնում իր երախտագիտությունը ցուցաբերվող օժանդակության և գաղափարական զորակցության համար: Ընդգծեցի ԵՄ և ԵՄ անդամ պետությունների հետ համագործակցության ընդլայնման վերաբերյալ Հայաստանի իշխանությունների քաղաքական հանձնառությունը:
Ամբողջական հոդվածը կարող եք կարդալ այստեղ
