Pastinfo.am-ը գրում է.
Թբիլիսիում Ռուստավելի պողոտայում տեղի են ունեցել բողոքի երկու ակցիաներ, որոնց իրարից բաժանել է ոստիկանների պատնեշը: Ցուցարարները հավաքվել են խորհրդարանի շենքի դիմաց և Պիոներների պալատի շենքից մի քանի տասնյակ մետր հեռավորության վրա, հաղորդել է «Ինտերֆաքսը»:
Խորհրդարանի շենքի դիմաց գտնվող հրապարակը զբաղեցրել են ռադիկալ խմբավորումները. նրանք հայտարարել են, որ մտադիր են վերականգնել Թբիլիսիում կարգ ու կանոնը և դադարեցնել «այլասերվածների երթերը և ակցիաները»:
Չնայած երկու ճամբարներն իրարից բաժանող ոստիկանների պատնեշին, մասնակիցների միջև տեղի է ունեցել քաշքշուկ, որում «վրացական երթ»-ի մասնակիցները վնասել են հակառուսական ակցիայի մասնակցի գլուխը:
Տեղեկացվում է, որ ոստիկանությունը օպերատիվ կերպով տուժածին հասցրել է շտապ օգնություն մեքենայի մոտ: